İlqar Kamil-Yerlə Göy Arasında

"Yerlə Göy arasında" romanı “Ayrılıq”dan sonra İlqar Kamildən oxuduğum ikinci romandır.  Artıq oxucu auditoriyasını formalaşdırmış istedadlı nasir İlqar Kamilin son romanını oxuduqdan sonra əmin oldum ki, yazıçı öz üzərində dayanmadan çalışıb.  Roman haqqında düşüncələrimi qeyd etmədən keçə bilmədim.  Romanda - Leylanın xatirələri səhnəsində: “Leyla, birdən görürsən, düşünürəm, yaxşı ki əvəz-əvəz olmur bəzi şeylər, məsələn, kiminsə xəstəliyini alıb onun əvəzinə xəstələnmək olmur, dəhşətdi e, fikir verirsən? Yaxşı ki, kiminsə yerinə ölmək olmur. Yoxsa dünyada valideyn qalardı? Hamısı canını qurban verəcəkdi balasına! Üstəlik, inan ki, aləm dəyərdi bir-birinə, çox ciddi sınaq olardı. Təsəvvür elə, dostun can verir və titrək əlini sənə uzadıb canını istəyir, elə-belə yox ha, sözün əsl mənasında, canını. Verərdinmi, verməzdinmi? Çətin sualdı...”